81 வயதான தோழர் மைதிலி, கடந்த 10 ஆண்டுகளாக அல்சைமர்ஸ் என்கிற ஞாபக மறதி நோயால் அவதிப்பட்டு வந்தார். சில தினங்களுக்கு முன் இவருக்கு கொரோனா தொற்று ஏற்பட்டு 30/05/2021 அன்று மரணமடைந்தார். சென்னையில் இளநிலை கல்லூரி படிப்பை படித்து, முதுகலை படிப்பை அமெரிக்காவில் முடித்தார். ’ரேடிகல் ரிவ்வியூ’ பத்திரிக்கையில் முக்கிய பொறுப்பில் பணியாற்றினார். 1968ம் ஆண்டு கீழ் வெண்மணி படுகொலை நடந்த பொழுது, அதை ஆங்கிலத்தில் விரிவாக எழுதி உலகம் அறிய செய்தார். அதே போல வாச்சாத்தி கூட்டு பாலியல் வன்புணர்வு வழக்கிலும் தோழரின் பங்கு முக்கியமானது. பெண்ணடிமைத்தனத்திற்கு எதிராகவும், தொழிலாளர்களின் உரிமைகளுக்கான போராட்டத்திலும் தொடர்ந்து ஊக்கமுடன் பங்காற்றினார். ‘கஸ்தூர்பா : மகாத்மாவின் மனைவி எழுப்பும் கேள்விகள்’ என்ற புத்தகமும், ‘ஒரு வாழ்க்கையின் துகள்கள்’ (Fragments of Life) இரண்டும் அவருடைய முக்கிய படைப்புகள். 1973ல் அனைத்திந்திய ஜனநாயக மாதர் சங்கத்தை கட்டியெழுப்பிய முக்கிய தோழர்களில் இவரும் ஒருவர். துவங்கிய பொழுது, துணைத்தலைவராகவும் பொ|றுப்பில் இருந்தார். மார்க்சிஸ்ட் கம்யூனிஸ்ட் கட்சியின் மாநிலக்குழு உறுப்பினராக பல ...

தோழர் இரா. ஜவஹர் (வயது 71) நுரையீரல் புற்று நோயால் பாதிக்கப்பட்டு கடந்த மூன்று வருடங்களாக மருத்துவம் பார்த்துக்கொண்டிருந்தார். கடந்த வாரம் கொரானா நோயால் பாதிக்கப்பட்டு மருத்துவமனையில் அனுமதிக்கப்பட்டு 28/05/2021 அன்று காலமானார். தோழர் ஜவஹர் தன்னுடைய இளமைக் காலத்தில் சிபிஎம் கட்சியில் முழுநேர ஊழியராக அம்பத்தூர் பகுதியில் தொழிற்சங்க பணிகளை செய்தார். பிறகு, பத்திரிக்கைத் துறையில் தினமணி, ஜூனியர் போஸ்ட், தமிழன் எக்ஸ்பிரஸ் என தமிழகத்தின் முக்கிய பத்திரிக்கைகளில் முக்கிய பொறுப்புகளில் பணியாற்றினார், பல இளம் பத்திரிக்கையாளர்களுக்கு உற்சாகமூட்டும் வழிகாட்டியாக இருந்தார். பத்திரிக்கையாளர்களின் குரல் நசுக்கப்படும் காலங்களில் அடக்குமுறைக்கு எதிராக போராடியவர். ”கம்யூனிசம் : நேற்று, இன்று நாளை”, மகளிர் தினம் – உண்மை வரலாறு என புத்தகங்களை எழுதியுள்ளார். தமிழகத்தில் உள்ள முற்போக்கு, ஜனநாயக சக்திகளுடன், புரட்சிகர அமைப்புகள் முன்னெடுக்கும் இயக்கங்களுக்கு தன்னால் சாத்தியமான அளவிற்கு துணையாக நின்றவர். நாம் முன்னெடுக்கும் இயக்கங்களுக்கும் தன் ஆதரவை தெரிவித்தவர். மார்க்சியம் தான் இந்த உலகத்தை மாற்றுவதற்கா...